(la 4-an de julio, 2012) – Prepariĝante por tri-taga strategia estrar-kunveno en Montrealo, ESF publikigis siajn Jarraporton kaj impostdeklaron por 2011 en sia retejo (http://esperantic.org/eo/pri_ni/finraportoj).

Eloficiĝanta ESF-prezidanto Humphrey Tonkin priskribas 2011 kiel jaron de “novaj direktoj” por ESF, kiu faras grandan investon en klopodojn pliampleksigi la interretan rolon de Esperanto.

“La celo de la Fondaĵo estas ne nur financi novajn iniciatojn en ĉi tiu kampo, sed ankaŭ direkti tiun financadon tiel ke ĝi gvidu al financa memstareco kaj eĉ al generado de reinvesteblaj plusoj,” skribas Tonkin en la Letero de la Prezidanto. “Intertempe, interreta aktiveco grande multobliĝas, ne nur pro agadoj financataj de ESF, sed ankaŭ pro tio kio ŝajnas esti spontana kaj akceliĝanta internacia intereso. Mallonge, estas ekscita kaj defia tempo por Esperanto mem.” Legu pli: http://esperantic.org/eo/komunikado/novaĵoj?n=84